Dentro do proxecto EUTERPE_adn, a entidade contribúe a mellorar a calidade de vida das persoas maiores con demencia principalmente, promovendo a música como elemento indispensable para unha vida saudable, e combatendo entre outras cousas, a soidade. A música é considerada unha ferramenta terapéutica e máis se cabe, nas zonas rurais onde traballa a entidade. As alianzas que se crean en dito proxecto EUTERPE_adn con Portugal, ademais de con organismos públicos e privados están xerando sinerxías que favorecen a mellora dos servizos que realizamos e recae consecuentemente na mellora da calidade de vida das persoas que atendemos.

A entidade xestiona todo o relacionado cos grupos de persoas que participan no proxecto, a atención directa, colaborando na recollida de mostras de sangue e saliva, as avaliacións cognitivas. Coordina a súa labor con Músicas ao vivo para o bo transcorrer dos talleres de música nas súas instalacións. Encargouse da realización dunha sesión formativa para os músicos que participan directamente na intervención cos usuarios/as de Agadea.

En coordinación co equipo interdisciplinar da entidade, recrutáronse os participantes a través de sesións informativas. Traballouse conxuntamente para finalmente conseguir tres grupos diferentes, con capacidades cognitivas distintas e en tres áreas territoriais, no concello de Rianxo, no concello de Vedra e o concello de A Estrada.

AGADEA participa activamente en dito proxecto con 70 persoas.