Somos unha entidade sen ánimo de lucro creada en decembro de 2000 por familiares e persoas con Dano Cerebral Adquirido (DCA) e que desenvolve a súa labor fundamentalmente nos concellos que configuran a Área Sanitaria de Santiago e Barbanza.
O Dano Cerebral Adquirido (DCA) é pouco coñecido pero si que o son as súas causas: ICTUS, traumatismos craneoencefálicos por accidentes, tumores cerebrais, falta de osíxeno por unha parada cardiorrespiratoria ou un afogamento etc. As secuelas, moitas veces invisibles, poden ser moi variadas.
Dano Cerebral Santiago de Compostela ten como obxectivos fundamentais promover a defensa conxunta dos dereitos destas persoas e familias; a súa integración e normalización social así como o seu coidado, asistencia e protección. Entre os fins principais da asociación tamén están os de orientación e información así como a prevención do DCA e os seus efectos.
Actualmente a súa base social está formada por máis de 1000 persoas entre socios/as, colaboradores/as, voluntarios/as e profesionais, que traballan para conseguir a misión de mellorar a calidade de vida das persoas con dano cerebral adquirido e a das súas familias.