No terceiro trimestre da intervención, as actividades musicais baséanse na práctica instrumental. Utilizaranse instrumentos musicais de diferentes alturas e posibilidades tímbricas, instrumentos de pequena percusión, xilófonos, metalófonos, teclados, tambores, pandeiros, pandeiretas, melódicas, kalimbas, hang drum, campás, etc. Ademais, serán incluídos instrumentos especialmente adaptados para persoas con dificultades motoras debido ao dano cerebral, como o peitoque. As actividades estarán baseadas en dous piares: por un lado, a experimentación que posibilita a improvisación musical dirixida e libre, e, por outro lado, a oportunidade de tocar en grupo creando “combos”. A improvisación instrumental permite deseñar actividades flexibles que se adapten ás habilidades de cada un, e que de forma espontánea se experimente a fluidez de formar parte dunha actividade creativa. Con este taller final preténdese que os participantes sintan que son capaces de descubrir o artista que levan dentro e explorar a súa creatividade.